تابعونا على التلغرام والواتس والمدونه t.me/wemonway
تعرفو اننا ساعات بنتخانق مش عشان ننكد علي بعض
عشان نوصل لمكسب معين وبناخد الخناق سلم
يعني الإتنين اللي بيحبو بعض بس فقدو الشغف اللي بيبقي في بداية اي علاقة وراح منهم مع الوقت ..هتلاقيهم من وقت للتاني حد بيتعمد يعمل مشكلة ويكبر الدنيا عشان يرجعو يصالحو بعض و يحسو بجزء من الشغف اللي كان في اول العلاقة !!!
يعني الزوج اللي كل ما يضايق زوجته ويبيقي مش عارف ازاي يصالحها وجرب مرة واتنين يصالحها بالعلاقة الجسدية اللي بينهم هيتفاعل بعد كده المشاكل بشكل غير واعي عشان اتحفر في ذهنه انه لو عايز علاقة جسدية كويسة يبقي بعد خناقه وهو بيصالحها
او بقاله كتير مجبلهاش هدية فبشكل غير واعي تتخانق معاه عشان عارفة انه لما بيتخانق معاها بيصالحها بهدية
ومن غير دخول في تفاصيل نفسية للخناق اكتر ...المهم ان كل العلاقات فيها خناق ..حتي احسن العلاقات
عشان كده عايزين نتفق ازاي نتخانق مع بعض 😂
1/ نتصالح في نفس اليوم
2/ اللي غلط في حق التاني يعمل مواقف تزود من رصيده عند الطرف اللي زعله
3/ بنتخانق في موضوع ماندخلش في موضوع تاني ونجيب سيرة مواضيع قديمة
4/ وقت اللوم وقت اللي بيبدأ
اللي يبدأ يلوم التاني يسمعه لحد ما يخلص كلامه ويصالحه في الجزء اللي زعله بعدين يبدأ هو كمان يقوله ايه اللي ضايقه هو كمان ...لكن ما ينفعش اللوم اللي بيبقي انت عملت كذا ..طب ما تبص لنفسك ما انت كمان عملت كذا
5/الطرف اللي فعلا اعصابه فلتت التاني يقوله طب نتكلم لما تهدى وبعدها يكلمه ويقوله انا عايزك بقي تصالحني في واحد اتنين انا عديت الموقف في وقتها عشان كنت حابب اقدرك وقت غضبك
6/ ماتنسوش الفضل بينكم في عز الخناقة ارمو كلمتين تدل انكم مقدرين نقاط معينة عملها الطرف التاني
8/ممنوع الغلط بالأهل ولا الغلط اصلا اثناء الخناق
9/ نعبر عن ضيفنا بعد الخناق بحزن مش برفض
يعني بعد ما نتخانق ما نبصش لبعض بقرف ولا نقفل الباب في وش بعض ولا ننزل علي الفيس بوستات اساءة...ولكن نبين اننا زعلانين من اللي حصل وده بيدي للطرف التاني فرصة يجي يعتذر ويقدر يفتح كلام
تعليقات
إرسال تعليق