تابعونا على التلغرام والواتس والمدونه t.me/wemonway
اهلن ابحكي لكم قصتي اللي كل ماتذكرتها تمنيت الارض تنشق وتبلعني من الحياء مرا انا واختي امي طلبت منا ننظف الحوش يعني نغسله وكيذا قلنا ابشري المهم ونلبس أردى البجايم فيها كم شق علشان التراب وكيذا لازم أردى لَبْس المهم مالكم بالطويلة وخلصنا تنظيف وحالتنا تروع جت اختي صوبت المويه علي ونحاشت ولحقتها بالمويه ومليتها ونحشت المهم تلحقني ودخلت الملحق وصكيت وقفلته اختي علي كان المفتاح على برا وتقول خيسي هينا ونضحك فجاءه اسمع صوت ورى يتنحنح انا صنمت وأطق الباب ابيها تفتح لفيت طلع رجال متكي ف الملحق المهم ماسك ضحكته وانا اخبط افتحي ي كلبه رافضه وتضحك قلت فيه رجال افتحي المهم فتحت وننحاش وما يشوف الا غبرتي ودخلت قابلني اخوي قال سوي قهوه خويي برا وانا وقتها ليت الارض تنشق وتبلعني هي فشيله ولا من شكلي ولبسي المهم مرت الايام ومازلت اتذكر الموقف واتحسر فجأه امي جتني وقالت جايك نصيب رفضت وقلت لسى بدري وقالت فكري وقلت وش يقالهم قالت خوي اخوك اسمه نايف المهم طلع هو اللي شافني المهم رفضت بالبدايه لا شلون يعني يكفي الموقف اللي صار بينا قالت اختي استخيري يكفي انه بغاك بشكلك ذاك اليوم المهم اني فكرت واستخرت ووافقت والحمدالله تملكنا💍 ولما كلمته اول شي قاله لي ام الخلاقين ويضحك زعلت وقتها وقال ، تبين الجد؟ ذاك اليوم احلى يوم يكفي اني شفتك على طبيعتك وهبالك المهم أني احبه ويحبني هو كمان والحمدالله زواجنا بعد شهر ادعوا لي بالتوفيق والله لايحطكم بالمواقف هذي
المواقف المحرجه هي تخلد ذكريات جميله
موووقفي هذا فعلا حفله ويفششل وكل ابو شي خاايس بالدنيا
زوجي يحب طبخي ودايم يمدحه عند الناس القريبه والبعيده
عاد برمضان عزم خاله كبير من ديره ثانيه وخالته وبنتها وكلهم اول مره يجون لي بالبيت
وانا من الحماس الزايد شريت كتب طبخ واطباق سيلكون على اشكال ورد حق الكيك بالفرن
قلت راح اسوي اطباق غريبه وجديده وانوع لهم بالاكل
عاد تعرفون صايمه وما اذوق بالاكل بس احط بالمقادير المكتوبه
على اساس كويسا بزيت الزيتون والليمون بالفرن
وثاني طبق خلطه هنديه باتيه فيها انواع الخضار والعدس والبطاط تنقلي بالمقلاه بدون زيت
وكيكه برتقال بالفرن
وشوربه بروكلي بالكريمه
ولقيمات
يابنات والله وقت الفطور شكل الاكل حلو ومرتب بس يرباااااه يالطعم مابي اتذكر هاليوم الله يفشلني استحيت وكرهت نفسي
كوسا طعما مر مرررررر امر شي بالدنيا وفوقها طعم ليمون يلسع لاشعوري اللي ياكلونها يغمضون عيونهم بقوه { وما يحتاج تعرفين الانطباع واضح من وجييهم
شوربه البروكلي شافوها خضرا وقطع بيضا خافوا ياكلونها هههههه ذاقوا شويه بس وخلوها
والكيكه محروقه ولاهي مطبوخه مستويه كلها
وزوجي وجهه انصفق ومستحي
وانا شوي وابكي خلااااص
عاد خاله شايب يبي يلطف الجو يقول لزوجي البنات الصغار يتزوجون مايعرفون شي لا كبروا يتعلمون ويسون هاك الذبايح والاشيا الطيبه وخالته تجاملني تقول هذا نفس اكل المطاعم بس احنا مالنا باكل المطعم متعودين على اكل البيت
وانا خلاص انهرت داخليا ودي اقولهم والله هذا مو طبخي انا احسن من كذااااااااكان موقف يفشششللل الله لايعيده علي ولا عليكم يابنات .
.
الله لا يبلانا الاغلب وقت العزايم يرتبكون ومتضبط معاهم الطبخات لييش
تعليقات
إرسال تعليق