دلعي زوجك

(اخطاء البنات فى الإرتباط ؟!)**

تابعونا على التلغرام والواتس والمدونه t.me/wemonway

القواعد الخمسة وعشرون الخاطئة عند البنات فى الإرتباط

1/البنت مفكرة ان الراجل لازم يكون طول وعرض
رغم ان كل التجارب أثبتت أن الرجولة عند الراجل بتبان فى نخوته
فمتتصدميش لما ترتبطى بواحد طول وعرض وتلاقيه جواه فاضى مركز أكتر على عضلاته ولمة البنات حوليه
متخلش المظاهر تخدعك..

2/ان البنت الحلوة بس هى اللى بتتجوز مع ان لو بصت للى حوليها هتلاقى البنات الحلوة عادى لسة قاعدين وان ربنا قال لأرزقن من لاحيلة له حتى يتعجب أصحاب الحيل
يعنى لو لقيتى بنت مش حلوة بالنسبالك مرتبطة بحد حلو متستغربيش .

3/ البنت عندها يقين معرفش بيجلها منين ان كل الرجالة صادقة
متحلميش وأنتى صاحية بعد إذنك.

4/ان هى عشان تلفت انتباه سيادته تيجى جنبه وتتكلم مع صحبتها بصوت عالى على فكرة هو شايفك اصلا وبياخد باله من الحركات دى وتقريبا مبيرتبطش بيها فى الاخر لانهم مبيحبوش البنت اللى صوتها عالى

5/ البنت عندها يقين معرفش بيجلها منين ان كل الرجالة بتتصرف تصرفات رجولة متحلميش وأنتى صاحية بعد إذنك .

6/دايما البنت حاسة ان شكلها مش حلو على فكرة الناس هتشوفك بعينك فى بنات كتير مش حلوة بس مجرد ما تتكلم معاهم تحس انك بقيت تشوفهم بشكل تانى ومتسألنيش ازاااااى بس أكيد هتقابلى بنت كده أقعدى إتعلمى منها

7/ان الرجالة كتير بس مفيش حد مناسب لا حضرتك العيب فيكِ لانك مبتقعديش فى الاماكن المناسبة مبتتعرفيش على ناس تليق بيكى.

8/ان مدام صحابى بيرتبطوا وبيتخطبوا لازم الحق نفسى أنا بقى وأى حد يقع فى طريقى الفترة دى ارتبط بيه ع فكرة معظمهم بيفركشوا فى الاخر وبيفضلك اللى وقعتى نفسك فى

9/انها لازم تتغير عشانه.. حضرتك اللى متعجبهوش زى ما انتى متتعبيش نفسك معاه معنديش طبعا مشكلة ان يحصل تغيير للأحسن بس مش عشانه عشااااان نفسك

10/الطمع.. ساعات بنت لما بيتقدملها حد كويس ترفضه لمجرد انها ممكن تقابل الأحسن وتجرى الأيام وتفضل ترفض لحد ما الوقت يعدى..

11/إن الراجل اللى بيعرف يتكلم يبقى هو ده الوسيم فى عينها مع ان الراجل مش بس بكلمتة الراجل برعيته لبيته وأسرتة احم احم..
أقصد اللى بيعرف يتكلم ده اكتر واحد تخافى منه..

12/ ان الحاجات فى فترة الخطوبة اللى بتعديها وبتسكتى دى هى اكتر حاجة بعد الجواز هتندمى انك معلقتيش عليها ..

13/االبنت عايزة راجل بيضحك كتير بصى هما بيضحكوا بس بيضحكوا اكتر على البنات اللى اى حاجة تتوهم فعززى نفسك .

14/البنت عندها اعتقاد انها ممكن تقابل راجل فى رومانسية مهند جوز نور متحلميش وانتى صاحية بعد اذنك..

15/ان الراجل مبيحبش البنت اللى بتغير عليه ع فكرة الراجل الكويس بيفرح لما اللى معاه تغير عليه لكن العكس ده واحد عايز يقضى وقت ومش عايز خنقة

16/ ان الراجل بيتغير بعد الجواز لا حضرتك متتوقعيش اى تغير خديه زى ما هو ولو مش عجبك من البداية متكمليش :

17/ان الراجل اللى لف وعرف بنات كتير وقرر فى يوم يرتبط بيكى وقالك الجزء المشهور ان هو مش هيعرف بنت بعدك وان هو كان لازم يمر بالعك ده كله لانه شاب لا حضرتك ديل القطة عمرة ..عمره ما بيتعدل وخصوصا لو ده كان طبع فيه :

18/ان البنت الجدعة ورجولة الراجل بيحبها على فكرة البنت اللى عايشة بمبدأ البنت زى الولد هى اكتر واحدة مبتعجبوش لانها بتفضل فى خانة الصديقة الجدعة :

19/ ان الراجل الطيب هو اللى مبيعترضش ابدا على حاجة بتعملها على فكرة ده اسمه الراجل.. الساذج .

20/انها تخاف لما تلقيه بيحب مامته ع فكرة دى اكتر حاجة تخليكى تتمسكى بيه اللى حنين على مامتة هيبقى حنين جدا مع اهل بيته بس
شرط يكون بيحبها مش تابع ليها ولازم طبعا تديله فرصة ومتتسرعيش فى حكمك عشان متظلميش حد معاكى

21/تفكر انها ممكن تمثل فى اول الخطوبة انها رقيقة عشان تجذب الانتباه ليها بس الحقيقة انتِ لو جواكى فغلا مش كدة هتبقى سيئة اكتر لان كل شئ مع الوقت بينكشف وبيبان.

22/ ان الراجل اللى بيعرف يزعق ده سيطرة اه هو فعلا سيطرة بس المهم بيزعق لمين وليه وفين بدال ما تلاقى نفسك مع اول مشكلة زعق وعلى صوتة وياختتتتتى هتحطى نفسك فى مواقف بايخة .

23/ ان خطيبها مش هيبص لغيرها حضرتك دى فطرة فيهم وعلى حسب اخلاق كل راجل المهم يوم ما يعمل كده هتتصرفى ازاى ؟؟

24/ ان فكرة التعدد مبتجيش فى دماغ خطيبها حضرتك ربنا لما حب يكافئ الرجال الصالحين فى الجنة رزقهم بحور عين تخيلى اختار ليهم الهدية دى ليه عشان طبعا هى اكتر حاجة محببة على قلبهم ..
الفكرة بقى انتى هل هتعرفى تكونى ام واخت وصاحبة وصاحب تغنيه عن الدنيا بحالها ولا هتتعاملى بغشامة

25/ ان فى راجل مقتنع ببنت هيقابل حاجة تمنعه ان يجى يتقدملها بصى بقى بالذات المعلومة دى والله والله الراجل يوم ما يلاقى البنت اللى بالنسباله فعلا مش هتتعوض بيعمل المستحيل عشان يوصلها حتى لو هيجى يتقدم وهيحرج نفسه بس بيبقى عايز يبين قدام نفسه انه راجل وحاول وهيحاول..