دلعي زوجك

كان عندي زوجة اتطلقت بتقولي " ماكنتش أعرف إنه مصدر أمان اوي كدا ليا ،
             t.me/wemonway
ولا كنت بشيل هم المصاريف للولاد وأنا معاه ،
و لا كنت بشوف الحب اللي بينا من كتر المشاكل "
 دلوقتي مفتقدة حبه ولمساته وطبطبته وشايلة هم المصاريف وخايفة ومافيش حد أرمي عليه المسئولية غيري ...
آخر  " ماعرفتش قيمتها غير لما انفصلنا ، كانت مستحملة مني حاجات كتير ووقفت جنبي في ظروف عصيبة "
 دلوقتي حاسس بالوحدة ولما بتخنق مش بلاقي حد يسمعني ويهون عليا ولما بتعب ماحدش بيمرضني ويعملي شوربة ويديني الدوا ....
أخرى " أنا اللي طلبت الطلاق وأصريت عليه ، ودلوقتي أنا هتجنن وأرجعله وهوا مش راضي "
آخر " مش عارف أقضي مصالح الولاد وأراعيهم لو كنت عارف اللي بتعمله كنت راضيتها وما طلقتهاش "

ناس كتير بعد الطلاق عايز يرجع لشريكه أو شريكته ....

بعد ماخرجوا من دوامة العصبية والغضب والحزن شاف الحلو الكتير اللي الطرف التاني كان بيقدمه وإن الحلو كان أكتر بكتير من الوحش ،
وانهم غلطانين كان مفروض يتغاضوا عن اللي بيضايقهم من الآخر لنيل الحسنات اللي في وجودهم في حياتهم ....

أسوء إحساس ممكن تحسه...
 إن الواحد يسلب النعمة بعد العطاء "تكون في ايدك وتروح لغيرك"
طبعا كلها أقدار ومكتوب فاللوح المحفوظ
واحنا علينا نعمل بالأسباب ...
هديكوا روشتة فيها كام نقطة تجنبك الفخ دا :

1- ماتخدوش قرار الطلاق والانفصال وقت المشاكل ...

2- لما تقرر تطلع من العلاقة و العشرة  تبقى صعبة ،جرب تاني وتالت وعاشر لحد ماتوصل ليقين استحالة العشرة .

3- لما تعدي عليك لحظة حلوة مع الآخر فكر فيها ولو اللحظة دي كانت لحد غيرك ... هتزعل ولا هتفرح .... ولا مش هيفرق معاك ، لو مش هيفرق معاك يبقى كدا كمل في سكة الانفصال .

4- اكتب ووازن بين ايجابيات الاستمرار وايجابيات الانفصال وسلبيات الاستمرار وسلبيات الانفصال وشوف مين هتتحمله فيهم بايجابياته وسلبياته .

5- لما ترتاحي او تتبسطي من أي تصرف من شريكك اكتبيه وراجعيه مع زوجك ... دا بيهدي كتير وقت الأزمات وبيوريكي الصورة واضحة ، وإن مش كلها سواد ...
بلس إن شريكك ساعات مش بيبقى فاهم مشاعرك تجاهه إزاي فعبروا عن حبكم بليز قبل مايفوت الأوان .

الحياة الزوجية السعيدة لا تُصنع بالمعجزات
بل تُصنع من بذور صغيرة تضاف لبعضها لتنشأ جذور المحبة وشجرتها 🎀