تابعونا على التلغرام والواتس والمدونه t.me/wemonway
عارف ايه الفرق بين " التقدير " و " الفضل " ... فيما يخص علاقتك بزوجتك ؟؟؟
في المجمل ... التقدير هو انك تبدي معاني الشكر والامتنان ... قصاد اي قول او فعل حسن منها تجاهك
اما الفضل ... فخليني اشرحهولك في امثله .... عشان تفهمه كويس اوي اوي اوي
- انك تحضن مراتك في لحظات الصفا ... ده تقدير ، اما الفضل ... فهو انك تحضنها وتطبطب عليها في عز مشكله وخناقه بينكم
- انك تفسح مراتك يوم الاجازه ... ده تقدير ، اما الفضل ... فهو انك تاخد اجازه من شغلك وتفاجئها في البيت ... وتقولها ... سيبي اللي في ايدك ... انا عاوز افسحك
- انك تقول لمراتك " تسلم ايدك " و " ربنا يخليكي ليا " لما تعملك اي حاجه ... ده تقدير ، اما الفضل ... هو انك تقول نفس الكلمات ... بس وهي لسه بتفتح عيونها او بتستعدوا خلاص للنوم
- انك تعاكس مراتك وتغازلها وهي في قمه اناقتها ... ده تقدير ، اما الفضل ... فانك تعاكسها بس وهي لابسه مريله الطبخ ... او لسه صاحيه من نومها
- انك تقوم بواجبات مراتك المنزليه وهي مريضه ... ده تقدير ، انا الفضل انك ... تعمل نفس الحاجات بس وهي سليمه ... وتقولها ارتاحي ... انا هاعمل مكانك
الملخص ... ان التقدير ده حاجه انت ملزم تعملها ... عشان ده حقها عليك
اما الفضل ... فهو حاجه بتعملها بحب ... عشان تحافظ على حبها ليك
رزقكم الله الهدايه والطاعه.
تعليقات
إرسال تعليق