تابعونا على التلغرام والواتس والمدونه t.me/wemonway
💝 اختبااار عشان تعرفى نفسك رايقة ولا لا ❗️
🔹لو جوزك لقاكى ماسكة الموبايل
🔹او بتتفرجى على تى فى
وقالك انتى طول النهار قاعدة مابتعمليش حاجة
غالبا هتزعلى صح ❓
وتفضلى تحكيله دة انا طول اليوم بعمل كذا وكذا
والولاد والمطبخ ووو. وووو
لييييه ❓
ليه بنحاول نوصل للى حوالينا اننا شقيانين ❓
ونقعد نحكى ونشكى عن شغل البيت اللى مابيخلصش ❓
والولاد وطلباتهم ومش عارفة انام ومش عارفة ارتاح ❓
انا معاكى ان كل دة صح
بس لما احكى واشكى مش هيغير حاجة
اومال بنحكى ونشكى ونظهر لهم اننا شقيانين ليه ❓
عشان نصعب عليهم ونسمع كلمة شكرا
ونادرا على فكرة لما بيقولوها
طالما كدة كدة الشكوى مش هتغير حاجة،
يبئى الحل ايه❓
👈 اولا احتسبى الاجر من ربنا سبحانه وتعالى
👈 ثانيا تخلصى من دور الشقيانة خااالص
📌 وجربى العبى دور الرااااايقة
هيعجبك والله بس انتى جربى
🌀جربى وصلى لجوزك ان الشاور انتعاااااش
🚫 مش بسبب تعب اليوم
🌀وان مج النسكافيه استجمام
🚫مش عشان مصدعة من دوشة الولاد،،
🌀وانك لما بترطبى ايدك دة دلع
🚫مش عشان ماتبوزش من شغل البيت.
👈 ثالثا لما يقولك طول اليوم مابتعمليش حاجة المفروض تفرحى
قوليله اه ياحبيبى عشان انت قوووى وبتعرف تستحمل
لكن انا كيووووت ولازم استريح
🔺عشان كدة ياحبيبى الرجال قوامون على النساء
وصليله انك بسكووووتة وان فى فرق بينك وبينه
الراجل بينجذب للأنثى .
مش ل عبده عضلات اللى طول اليوم شقياااان فى البيت ❗️
زى المغناطيس بينجذب لعكسه
🔹هقولكم على حاجة
لما جوزى بيبعتلى على الواتس يقولى اخبارك ايه وبتعملى ايه
بقوله مهديه النور وبستجم شوية على الشيزلونج
مع ان ساعتها ممكن اكون قاااالبة الشقة وبنضفها ‼️
بس وقت مابكتبله بكون على الشيزلونج عشان ماتتحسبش كدبة
المهم .
طوووول الوقت بحاول اوصله ان انا راااايقة
ويا اما بستجججججم يا اما بلعب بازل مع ابنى
وفى رأيى كل انماط الشخصية بيحبوا الرايقة
⬅️ الشمالى المطحون فى شغله محتاج لما يرجع يلاقى الرايقة اللى هتمتص الشحنات اللى جواه
➡️ الجنوبى عاشق الاسترخاء هيستغرب لو لقاكى تاعبة نفسك فى شغل البيت
لان فى اعتقاده ان الأنثى مابتعملش حاجة غير انها انثى ‼️
⬆️ الشرقى المنظم هيتهمك بالعشوائية وانك مابتنظميش وقتك وطول اليوم فى دوامة
⬇️ الغربى ولا فارق معاه تعبك ومابياخدش باله من مجهودك ولا بيقدره وبيحسك اووووفر وغاوية تعب
❗️مش جوزك بس على فكرة
كل الناس لازم يحسوكى رايقة
وماتحاوليش تثيرى شفقة حد بالشكاوى ابدااااااا
الناس بيحبوا الرايقين اللى ماعندهمش مشاكل
🌀 اقولك على السر
تخيلى نفسك اتنين فى واحد
الشغالة اللى بتطبخ وتغسل وتكنس وتمسح وممكن تشيل حديد
والهانم البسكوتة الرقيقة اللى يادوب تعمل العصير وتوضب السفرة
خليه مايشوفش الشغالة دى ابداااااااا ولا اى حد خااااالص يشوفها
خليكى داااايما هانم قدامه وقدام كل الناس
عشان يحبوكى ويحترموكى
تعليقات
إرسال تعليق