تابعونا على التلغرام والواتس والمدونه t.me/wemonway
-المسكة يكون عرضها نفس عرض خصر العروسة من الامام
-اذا كانت سمينة العروسة أفضل شيء تكون المسكة نازلة
يعطيها طول و نحف للعروس و اذا كانت نحيفة و طويلة و تبغى تبان اقصر و اعرض شوية المسكة تكون مدورة.
-اذا كنتي عريضة من تحت و نحيفة من فوق البسي منفوش من تحت و كنتي نحيفة منفوش و اسع اما السمينة بس انها عريضة من تحت اكثر تاخذ نفسة اللي تكون بسيطة بس معطية شكل للفستان اذا كنتي عريضة من فوق افتحي شعرك وممكن انك تلبسي أكمام عادي بس اهم شي يكون الشعر مفتوح عشان يكون شكلك مرتب..
-الطويلة تاخذ فستان في قصَات و حركات مثل الهادي اللي في الصورة ام القصير تاخذ واحد هادي من تحت عشان يطولها و يطلعها بطلة مثل اللي في الصورة .
-اذا اشتريتي فستان مشتغل خلي التسريحة و المكياج ناعم و اذا العكس فالعكس
-استقيمي في ظهرك و نزلي أكتافك الين تبرز عظام الترقوة لانها بتعطيكي شكل واو وكمان ممكن تقولي للكوافيرة انها تعملك كونتور عليها عشان تبرز هذي بالنسبة لعظام الترقوة بس الظهر حاولي تقيميه عشان يطّلع شكلك جميل و تبرز حركاتك اكثر و تعطيكي ثقة
- بالنسبة للبنات الي وجهها عريض وفيها خدود تخلي شعرها بعيد عن وجهها و اللي نحيف وجهها تخلي شعرها مفتوح او حولين وجهها لان الشعر للعريض وجهها بيعطيها عرض اكثر و يطّلع شكلها غلط و اللي نحيفة و الشعر حولين وجهها بيعرضو فيكون اشكالهم منسقه و أنيقة ..
-اللي فستانها في لمعه من فوق لا تلبس عقد بس عقد البس حلق و أسورة عادي لأنو رح تصيري كلك لمعة وكذا غلط
❤️ -كل عروسة تقول لكوافيرتها ما تحط لها لمعة في وجهها لان مع فلاش الفيديو او الفوتو يطّلع شكلك كانك حاطة زيت في وجهك بس في جهه وحدة من الجهات اللي رح اقولها دحين ( العيون او زواياها - الشفايف )
-الإضاءة الوردية او البنفسجية تخلي صورك مو حلوة حتى انا كنت معارضة لأنو اللون حلو لكن لما شفت انها تخلي صورك مغبشة(مو واضحة) ما تبرز الزوايا و لا التفاصيل الصغيرة - الكيكة بعدوها عن محيط حركة الناس لأنو ممكن احد يتعنقل وتطيح و تخرب
- في حركة حلوة بس ما ادري اذا الكل رح يوافق عليها انو العروسة اول ما تتملى القاعة تنزف انا أشوفها احلى لأنو احلى تشوف زواجها و ترقص و تقعد مع حبايبها
-العروسة السمينة من فوق تلبس طرحة طويلة عشان تعطيها شكل فخم وتخلي شكل جسمها حلو اما النحيفة القصيرة في الأغلب اجمل لانها رح تبرز جسمها قبل مناسبتك ب ايام تمضمضي بزيت زيتون بياض عجيب ورددي هاذي الدعوه وقت الزفه اللهم جملني في عينه واعينهم وصب حبي في قلبه صبا...
تعليقات
إرسال تعليق