الزوجه عاشقة التعري

الزوجة عاشقة التعري

تابعونا على التلغرام والواتس والمدونه
                                t.me/wemonway
من هي الزوجة عاشقة التعري وهل يعشق الزوج هذا النوع من الزوجات؟

بعض النساء يبرعن في ممارسة فنون التعري وهما مش مدركين إن التعري ده ممكن يؤدي للنفور بين الزوجين والكراهية، وممكن يؤدي لانهيار الحياة الزوجية.

التعري أنواع وخلونا نبدأ بأول نوع وهو👇

تعرية مساوئ الزوج أمامك.

تعالي الأول نتخيل مثال بسيط👇

 لو أنت عندك جارة كل ما تشوفيها بتصفك بصفات سلبية زي: إنت مزعجة جدا، أو أنت نكدية، وجارة تانية كل ما تشوفيها تقولك أنت ماشاء الله لطيفة جدا، أو أنت ذكية، ... إلخ.

ياترى هتحبي تلتقي بمين وهتهربي من لقاء مين فيهم؟

أكيد الإجابة واضحة.

تعالي نروح للزوج🏃‍♀
تخيلي لو الزوج لما بيقعد معاك بتفضلي تظهري له صفاته السيئة فقط، تفتكري زوجك هيتعامل معاكِ إزاي؟

أكيد مش هتكون معاملة ترضيك ولا تسعدكِ لإنك حسستيه إن صورته في نظرك صورة قبيحة، وإن صفاتة السلبية مُعراة أمامك، وإنك عارفة خبايا سلوكياتة الخاطئة.

مثال👇

زوجة اكتشفت إن زوجها بيعرف واحدة غيرها، بدأ الدم يغلي في عروقها من اثر الصدمة.
استغربت وفضلت تقول لنفسها:
هو ده زوجي اللي عامل نفسه تقي ونقي؟!
هو ده زوجي اللي بيدَّعي إنه بيحبني؟!

قررت إعلان الحرب🔪🔫  على زوجها بس هي مش واخدة بالها إنها في الواقع أعلنت الحرب على نفسها وحياتها واستقرارها، ومع شديد الأسف أعانت الشيطان على زوجها.

لازم تدركي إن كتير من الأزواج لما بتتكشف حقيقتهم أمام الزوجة غالبا مش بيبقى فارق معاهم وبيبدأوا يُظهروا أسوأ ما فيهم، أو يتسموا بسوء طبع لم يكن فيهم.

 وقتها الزوج بيصبح غير حريص على شعور زوجته وغير حريص على إنه يحافظ على صورته، ولحظة الضعف اللي كانت ذنب ممكن الرجوع عنه بتوبة سريعة ونزوة يمكن التراجع عنها بسهولة لما تعريه أدام نفسه وتتهميه بالخيانة وتصفيه بأبشع الصفات وتتصادمي معاه ممكن لحظة الضعف تتحول لسلوك متكرر وعلاقة ثابتة يدافع عنها بكل كيانه، ويقاتل عشانها وإحساس التحدي ممكن يتولد جواه فيحب يعيش روح المغامرة وروح الكفاح من أجل حبه المزعوم فيتمسك بالطرف التاني تمسك غير عادي، ويتحول الذنب، لسلسلة من الذنوب، وتلذذ بالمعصية، وتدهور في علاقة القلب بخالقه.

لازم تعرفي كمان إنك لما بتعري زوجك وبتكشفيله تفاصيل سلبية  أنت عارفاها عنه بتشعريه إنك من جواك لا تحترميه ولا تقدريه وأي إنسان من قمة احتياجاته النفسية  الشعور بالتقدير من اللي حواليه والشعور بالاحترام.. الاحترام بمعناه الواسع.
وكشفك لسلوك الزوج بيحمل رسالة 📩مضمونها:
 أنت في نظري👀 زوج غير جدير بالاحترام، وغير أهل للتقدير👎
أنت في نظري مش رجل كما ينبغي.

وغالب الرجال إلا قليل بيكون رد فعلهم إن خلاص طالما أنت  شيفاني سيىء هكون سيئ.

طالما أنتِ عرفت الموضوعِ اضربي راسك في الحيط. ويبدأ يضعك أمام الأمر الواقع.

وغالب الرجال متوقعين إن الزوجة هتقبل البقاء في الوضع ده عشان خايفة على الولاد.
أو خايفة من فكرة الطلاق ونظرة المجتمع ليها، أو لأنها معندهاش اللي يعولها.
او لأنها جائعة عاطفيا وعاشقة للزوج ولا يمكن تستغنى عنه أبدا مهما عمل.

وممكن يكون رد فعل الزوج مختلف شوية بإنه يحول اصابع الاتهام 👈عليكِ بأي شكل من الاشكال فيقولك مثلا:

📌انت السبب في اللي انا وصلت له لإنك زوجة مش بتشبعي احتياجاتي أو لإنك نكدية او ... او.. او🔎

📌أو يتلكك على حاجات تافهة ويسارع بالهجوم ويعمل مشكلة وينشر عيوبك ادام الاسرة عشان لما تتكلمي يظهر إنك بتتهميه بالظلم.🖋

📌 أو يحاول يمسك عليكِ اي خطأ ويقف عليه ويصعَّد الامور بينك وبينه، ويُظهرك إنك أنت المخطئة.

وسائل وأساليب كتير ممكن يستخدمها الزوج والسبب إنك عرتيه ادام نفسه وادامك، وحسستيه إنه فى عينك لا يستحق  التقدير.
ببساطة ⛏ أنت حطمتِ الايجو الخاص به.
والرجل بيحب يشوف نفسه كبير في نظر زوجته وأسرته.

📌كوني ذكية 🧠 واحذري إنك تعري صفات زوجك السلبية أدامه وأدامك.

📌لو حصل لك مشكلة زي كده حاولي تداري وتشوفي موطن الخلل فين وتصلحيه، ولو الأمر يتطلب تلميح أحيانا كوني حكيمة في تلميحك، ولو حصل على أسوأ الاحتمالات تصريح مقصود أو غير مقصود إياك والهجوم والاتهام والذم.

📌اغلقي فمك قليلا وافتحي عقلك كثيرا وافتكري إنك ستر لزوجك وهو ستر لكِ وأول درجات الستر إنك متعرضهوش للفضيحة أمامك.

📌كلامي مش معناه الرضا بالأمر الواقع ولكن  حاولي تغيري الأمر الواقع بالدعاء واللجوء إلى ربك واستخدام الطرق الحكيمة.