كلمة ورد غطاها

#
#كلمة_و_رد_غطاها

تابعونا على التلغرام والواتس والمدونه
                                     t.me/wemonway
🙇 ماعرفتني.. مرات اكون جريئة مع الناس ومرات اكون خجولة؟
.
👵شوفي ايش الجو اللي يخليك مرات خجوله ومرات جريئة
ترا له علاقه بوجود اشخاص معيين
فقط لاحظي "الظروف" او بمعنى بأدق تخيلي في ذيك اللحظه انا أخذت لك صوره كامله لك في المكان والناس اللي معك
قلبي الصوره بين ايدك وشوفي خلفيتها بالكامل
وصنفيها:
لبسك
من معك من اهلك
المكان
الالوان
الناس.. فصفصيهم واحد واحد.. هذا احبه، هذا اكره، هذ ارتاح له
أكلك
.... الخ
بعدها رح تعرفين السبب
وتطلعين بنتيجة
.
🙆 كيف انمي شخصية طفلي؟
.
هذي نصايح ع السريع:
-القراءه اكيد .. جيبي قصص ومجلات اطفال يقرأها.
وناقشيه طبعا بعدها، وعززيه، وصفقي له، واشيدي به -التكنولوجيا اهم شي اهم شي لو ركبت السياره
خليه يتفرج من الشباك.. يوسع مداركه.. يشوف الناس، يقرأ اللوحات، يسأل، يستفسر
مو عيونه بالشاشه لين تنحول -لاتمسكين يده في السوق خليه ينطلق
بس تابعيه وانتبهي له
هذا مهم لنموه الاجتماعي -وطبعا التوعية.. بس مو لدرجة التخويف ويصير عنده قلق عام.. يعني طمنيه انه لو تدري الشرطه فيهم رح تسجنهم وتعاقبهم.. حتى يحس بالامان وانه فيه عدل.. ويخبرك - لو تهاوش او تضارب مع اقرانه لاتدافعي عنه، ولا تروحين تهاوشينهم.. خليه يتعلم حل مشاكله بنفسه وتزيد خبرته
هنا ينمو عنده السلوك الاجتماعي - لو غلط.. عاقبيه.. بس قبل ماتعاقبينه علميه ع السبب اللي سواه انه خطأ، وعشان كذا عاقبتيه
لان بعض الامور تكون غير مفهومه من الاطفال انه ايش سوى عشان تعاقبينه!!! 😢
يعني لاتتركينه بحيره - استخدمي اسلوب القصه في الليل قبل ماينام عشان تزرعين الفضائل والقوه فيه
جيبي شخصيه طفل 👶 نفس اسمه ونفس مواصفاته ووظفيها
اذا رفض الطفل انك تقولين اسمه.. اسأليه هو يسمي الشخصيه.. وخليه يكمل معك القصة.. وقتها رح تكتشفين اي مشاكل يعاني منها مع هذي الشخصيات ولا يخبرك فيها
لان الطفل مستحيل يجاوبك بشكل مباشر
لازم تاخذينه بالحيلة